Bıyl Túrkistannan Ábý-Dabıge tikeleı áýe reısi ashylady

TÚRKІSTAN. QazAqparat – Bıyl Túrkistan qalasynan Birikken Arab Ámirlikteriniń astanasy Ábý-Dabıge tikeleı áýe reısin ashý josparlanyp otyr. Bul týraly Túrkistan óńirlik kommýnıkatsııalar qyzmetinen málim etti, dep habarlaıdy QazAqparat tilshisi.

«Wizz Air» avıakompanııasy «Túrkistan – Ábý-Dabı (BAÁ)» áýe baǵyty boıynsha reısterdi 2023 jyldyń qazan aıynan bastaýdy josparlap otyr. Reıster aptasyna 2 rettik jıilikpen oryndalady. Halyq zamanaýı A-321 ushaqtarymen qatynaıdy.

Búgin atalǵan joba jan-jaqty talqylanyp, pysyqtaldy. Jıynǵa Túrkistan oblysynyń Jolaýshylar kóligi jáne avtomobıl joldary basqarmasynyń, oblystyq Mádenıet jáne týrızm basqarmasynyń jáne Túrkistan halyqaralyq áýejaıy men Eýropalyq loýkoster «Wizz Air» avıakompanııasynyń ókilderi qatysty.

Kezdesýden soń «Wizz Air» avıakompanııasynyń ókilderine Túrkistan qalasynyń týrıstik nysandaryna týr uıymdastyrylyp, Túrkistan halyqaralyq áýejaıy jáne ondaǵy arnaıy tehnıkalar tanystyryldy.