Bıyl Túrkistanda Túrki memleketteri uıymynyń mereıtoılyq sammıti ótedi

ANKARA. QazAqparat – Qazaq aıynda Túrkistanda Túrki memleketteri uıymynyń mereıtoılyq sammıti ótedi. Bul týraly QR Prezıdenti Qasym-Jomart Toqaev Túrki memleketteri uıymynyń «Apat jáne tótenshe jaǵdaılar menedjmenti, gýmanıtarlyq kómek» atty kezekten tys sammıtinde málim etti, dep habarlaıdy QazAqparat Aqordaǵa silteme jasap.

«Bıyl qazan aıynda kıeli Túrkistanda Uıymnyń onynshy mereıtoılyq sammıti ótedi. Sizderdi osy alqaly jıynǵa qatysýǵa shaqyramyn.
Budan bólek, kúzde uıymǵa tóraǵalyq etý mindeti Qazaqstanǵa júkteledi. Sol kezde birqatar mańyzdy is-shara uıymdastyrylatyn bolady», - dedi Q.Toqaev.

Sondaı-aq Memleket basshysy túrki áleminiń elderi saıası, ekonomıkalyq jáne mádenı yqpaldastyqty jańa deńgeıge kóterýi qajet ekendigin atap ótti.

«Qazir geosaıası jaǵdaı kúrdeli ekenin bilesizder. Álemdegi ekonomıkalyq ahýal da máz emes. Osyndaı qıyn kezeńde Túrki álemi ózara yntymaqtastyǵyn nyǵaıta tústi. Bul – óte durys qadam.
Bizdiń uıym sol arqyly halyqaralyq deńgeıde ózindik orny bar ekenin kórsetti. Elderimiz saıası, ekonomıkalyq jáne mádenı yqpaldastyqty jańa deńgeıge kóterýi qajet. Bul – Qazaqstannyń syrtqy saıasatyndaǵy basym baǵyttyń biri», - dedi Prezıdent.