Bıyl Túrkistanda 15 nysannyń qurylysy aıaqtalyp, paıdalanýǵa beriledi

TÚRKІSTAN. QazAqparat - Túrkistan oblysynyń ákimi Ómirzaq Shókeev oblys ortalyǵynda boı kótergen turǵyn úı qurylysy men áleýmettik nysandardyń qurylysyn aralady. Bul jóninde oblys ákiminiń baspasóz qyzmetine silteme jasap QazAqparat habarlaıdy.

Túrkistan qalasyndaǵy turǵyn úı qurylysy jumystaryna monıtorıng jasaý úshin tıisti jaýapty mamandar bekitilip, qurylysqa kún saıyn monıtorıng júrgizýde. Turǵyn úılerdiń syrqy qasbetti, elektr jelileri men ishki árleý, esik-terezeler ornatý jumystary júrgizilýde. Oblys basshysy aldaǵy kúz aıynda el ıgiligine beriletin baspanalardyń sapasyna basa nazar aýdarýdy talap etedi.

Bıyl Túrkistan qalasynda 15 nysannyń qurylysy aıaqtalyp, paıdalanýǵa beriledi. Qaladaǵy kógaldandyrý jumystarynyń barysyn teksergen oblys ákimi bıyl iske qosylatyn jańa nysandardyń, drama teatr, oblystyq ǵylymı-ámbebap kitaphanasynyń qurylysyn, Qoja Ahmet ıAssaýı murajaıy nysanynyń, «Tuńǵysh Prezıdent saıabaǵy», Jelilik saıabaq qurylystaryn aralap kórdi.

«Áziret Sultan» tarıhı-mádenı qoryǵynyń vızıt-ortalyǵy men «Uly dala eli» ortalyǵy salynyp jatqan jerlerde boldy. Qqurylys jumystary josparǵa saı júrip jatyr.

«Tuńǵysh Prezıdent saıabaǵynda» búgingi tańda sý jáne káriz júıeleri men kireberis arkasynyń metall-konstrýktsııasy tolyǵymen aıaqtalǵan. Satyly sý burqaqtyń beton quıý jumystary júrgizilýde. 2 myń túp aǵash otyrǵyzylyp, aıaq joldar tóselýde.

Jelilik saıabaqta sý burqaq qurylysy men jalpy sýarý júıeniń 1 kezeńi 100 paıyzǵa oryndalǵan.

Syrtqy sýǵarý júıeleriniń qurylysy, aǵashtardy otyrǵyzý, gazon tóseý jumystary men aıaqjoldar, kerýen joldary jáne kanal jumystarynyń 95% aıaqtalǵan. Basseın ornatylyp, kógaldandyrý, jaryq shamdary qoıylyp, aıaq jol taqtalary tolyq tóselgen.