Bıyl Túrkistan oblysynda 900 shaqyrym jol jóndeledi
Túrkistan oblysynda avtomobıl joldary men eldi meken kósheleriniń jalpy uzyndyǵy - 16 500 shaqyrym. Jergilikti mańyzy bar avtomobıl joldarynyń jaqsy jáne qanaǵattanarlyq jaǵdaıdaǵy úlesi ótken jyly 74,1% qurasa, bıyl 77,6%-ǵa jetkizý kózdelýde.
2019 jyly 1 740-qa jýyq shaqyrym jol men kóshelerge qurylys-jóndeý jumystary júrip, 1 300-deı shaqyrymy paıdalanýǵa tapsyryldy. 2020 jyly qurylys-jóndeý jumystarymen 917,9 shaqyrym jol men kóshelerdi qamtý kózdelýde. Jyl qorytyndysymen 605,6 shaqyrymy paıdalanýǵa berilmek.
Oblys ortalyǵy Túrkistan qalasyna kóshelerdiń jalpy uzyndyǵy - 845 shaqyrym. Byltyr 86,4 shaqyrym kóshede jóndeý jumystary júrgizilip, jaqsy jáne qanaǵatty jaǵdaıdaǵy úlesi 33,6%-ǵa jetti. Bıyl 135,5 shaqyrym kósheni jóndeý josparlanǵan.
Shilde aıynda atalǵan jumystar tolyǵymen paıdalanýǵa beriledi. Túrkistan qalasynda jaqsy jáne qanaǵatty jaǵdaıdaǵy kósheler úlesin 49,4%-ǵa arttyrý kózdelýde.