Bıyl turǵyn úı baǵasy qanshalyqty qymbattady

NUR-SULTAN. QazAqparat – Jyl bastalǵaly Qazaqstanda turǵyn úı baǵasy qanshalyqty ósti? Bul suraqqa QR Básekelestikti damytý jáne qorǵaý agenttigi tóraǵasynyń orynbasary Bolat Sámbetov jaýap berdi, dep habarlaıdy QazAqparat tilshisi.

«Ulttyq statıstıka bıýrosynyń málimetinshe, bıyl elimizde qańtar-maýsym aıynda jańa salynǵan turǵyn úıdiń baǵasy 9 paıyzǵa ósken. Al qoldanystaǵy turǵyn úıdiń baǵasy 14 paıyzǵa artqan. Al otandyq qurylys materıaldarynyń baǵasyna kelsek, bıyl qańtar-mamyr aıynda 19 paıyzǵa óskeni baıqaldy», - dedi B. Sámbetov OKQ-de ótken baspasóz máslıhatynda.

Onyń aıtýynsha, otandyq jáne sheteldik qurylys materıaldary baǵasymen qatar, shıkizattyń baǵasy da ósken.

«Osy oraıda qurylys materıaldaryn óndirýshiler tarapynan naryqta alypsatarlyq árekettiń oryn alǵany baıqalady. Sol sekildi agenttik ádil básekelestikti qorǵaý salasynda quqyqbuzýshylyqty anyqtady jáne ol baǵa kelisimimen baılanysty. ıAǵnı baǵany óz betimen ornatý», - deıdi ol.

Buǵan deıin QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev elimizde turǵyn úı baǵasynyń ósý sebebin túsindirgen bolatyn.