Bıyl temirjol arqyly 68 mln tonna kómir tasymaldandy

NUR-SULTAN. QazAqparat – Bıylǵy jylytý maýsymy bastalǵannan beri Qazaqstan ishinde temirjol kóligimen 68,4 mln tonna kómir tasymaldandy. Bul týraly QazAqparat IIDM baspasóz qyzmetine silteme jasap habarlaıdy.

Jylytý maýsymyna daıyndyq bastalǵaly, ıaǵnı 2019 jyldyń 1 mamyrynan jáne aǵymdaǵy jyldyń 31 naýryzyna deıingi jaǵdaı boıynsha, Qazaqstan ishinde temirjol kóligimen 68,4 mln tonna kómir tasymaldandy. Bul jylytý kezeńine arnalǵan jospardyń 101% teń.

Búgingi tańda qazaqstandyq operatorlardyń teńgeriminde 58 myńnan astam jartylaı vagon bar. Ol vagondardyń negizgi úlesi kelesi menshik ıelerine tıesili:

«Qaztemirtrans» AQ - 49,8% (29 297 birlik)

«Transkom» JShS - 12,1% (7 114 birlik).

Qazirgi ýaqytta jylytý maýsymyna kómir tasymaldaýǵa barlyq menshik ıeleriniń 30 myńnan astam jartylaı vagony tartylǵan, onyń ishinde «Qaztemirtrans» AQ-nyń 14 myńǵa jýyq jartylaı vagony (60%) bar.

Júk jóneltýshilerdi vagondarmen, ásirese áleýmettik mańyzy bar júkterdi (kómirdi) tasymaldaý úshin ýaqytyly qamtamasyz etý máselesi mınıstrliktiń turaqty baqylaýynda.