Bıyl taýar ımporty tarıhı kórsetkishterden de asyp túsýi múmkin – Ulttyq bank
«Ulttyq banktiń baǵalaýynsha, tólem balansynyń aǵymdaǵy shoty profıtsıt aımaǵynan orta merzimdi perspektıvada defıtsıt aımaǵyna birtindep aýysady. Shıkizat baǵasynyń túsýine jáne ımportqa degen suranystyń ósýine baılanysty aǵymdaǵy shottyń oń saldosy qysqardy», - dedi Ulttyq bank basshysy.
Onyń boljamynsha, ekonomıkalyq damý boljamynyń bazalyq stsenarıi saqtalsa, munaı saýdasynyń esebinen taýar eksportynyń deńgeıi qazirgi deńgeıde saqtalady.
«Al taýar ımporty bolsa, odan ári ósip, bizdiń boljam boıynsha, eń joǵary tarıhı kórsetkishten asyp túsedi. Importtyń ósip kele jatqan deńgeıi halyq pen bıznestiń arta túsken suranysyn qanaǵattandyrý úshin Qazaqstandaǵy óndiristiń jetkiliksiz bolýyna, memlekettik bastamalar men ekonomıkany qoldaý baǵdarlamalarynyń iske asyrylýyna baılanysty bolyp otyr», - dedi Ǵalymjan Pirmatov.