Bıyl tarıhı tulǵalardyń mereıtoıyna arnalǵan joba júzege asyrylady

ASTANA. QazAqparat – Tarıhı tulǵalardyń rýhanı murasyn nasıhattap, qaıratkerlerdiń mereıtoıyn atap ótý úshin «Taǵylymǵa toly ǵasyr» arnaıy jobasy usynylady. Bul týraly Mádenıet jáne sport mınıstri Ashat Oralov vedomstvonyń keńeıtilgen alqa otyrysynda aıtty, dep habarlaıdy QazAqparat tilshisi.

«Ult rýhanııatyn jańǵyrtýda urpaqtar sabaqtastyǵy óte mańyzy. Bul oraıda biz qazaq mádenıetiniń ósip-órkendeýine ólsheýsiz úles qosqan qaıratkerlerdiń esimin el esinde qaldyrýymyz qajet ekeni sózsiz. Sondyqtan bıyl ónerimiz ben mádenıetimizge qaltqysyz qyzmet etken birneshe tulǵamyzdyń ǵasyrlyq mereıtoıyn eskere otyryp, «Taǵylymǵa toly ǵasyr» atty arnaıy jobany usynamyz. Onyń aıasynda birtýar qaıratkerlerimizdiń rýhanı murasyn dáriptep, nasıhattaýymyz kerek. Bul qalyń kópshiliktiń mádenı ıgiligine jaraıtyn izgi jobaǵa aınalady dep senemin», - dep usynys bildirdi Ashat Oralov.

Sonymen birge alqa otyrysynda baıandama jasaǵan mınıstr bıyl kontsertmeısterler men bı ansambli ártisteriniń ál-aýqatyn kóterý josparlanyp otyrǵanyn málimdedi.