Bıyl tamaq ónerkásibinde 49 kásiporyn iske qosylady
«Іshki naryqty otandyq azyq-túlik taýarlarymen molyqtyrý mindetterin sheshý aıasynda 2023 jyldyń sońyna deıin barlyq negizgi 29 azyq-túlik pozıtsııasy boıynsha ózin-ózi qamtamasyz etý deńgeıine qol jetkiziledi. 2021 jyly tamaq ónerkásibinde 49 kásiporyndy iske qosý, sonymen qatar 2 myń gektardan astam baq egiý josparlanyp otyr», - dedi Asqar Mamın.
Úkimet basshysynyń aıtýynsha, balyq salasynyń áleýetin jedel júzege asyrý jumysy jalǵasady.
Nátıjesinde 2021 jyly óndiris kólemi 61 myń tonnaǵa artyp, salaǵa salynǵan ınvestıtsııa kólemi 3 ese ulǵaıady.
«Atalǵan dınamıka esebinen eksport kórsetkishi aıtarlyqtaıjaqsaryp, ımportqa táýeldilik tómendeıdi. Keshendi ekojúıe qalyptastyrý negizindegi agroónerkásip keshenin damytýdyń jańa ádisteri AÓK ónimderi eksportynyń kólemin 2021 jyly 15 paıyzǵa arttyrýǵa múmkindik beredi. Bul rette qaıta óńdelgen ónim úlesi 35 paıyzdy quraıdy. Atalǵan jumystar aıasynda2021 jyly-aq 67 myń jańa jumys orny qurylady», - dedi Premer-mınıstr.