Bıyl sýmen qamtamasyz etýge bıýdjetten 117,5 mlrd teńge bólinedi
«Halyqty sapaly aýyz sýmen jáne sý burý qyzmetterimen qamtamasyz etý maqsatynda respýblıkada eldi mekenderde sýmen jabdyqtaý ári sý burý jelilerin salýǵa, sondaı-aq qaıta jańartýǵa baǵyttalǵan jumystar júrgizilýde. 2019 jyly respýblıkalyq bıýdjetten 404 jobany iske asyrýǵa 125 mlrd teńge bólindi. Onyń ishinde qalalyq sýmen jabdyqtaýǵa (84 jobany iske asyrý) – 53,9 mlrd teńge, aýyldyq sýmen jabdyqtaýǵa (320 jobany iske asyrý) 71,1 mlrd teńge qarastyryldy», - delingen QR IIDM baspasóz qyzmetiniń málimetinde.
Bıyl 2020-2025 jyldarǵa arnalǵan «Nurly jer» baǵdarlamasy aıasynda sýmen jabdyqtaý jáne sý burý júıelerin damytýǵa respýblıkalyq bıýdjetten 313 jobany iske asyrýǵa 117,5 mlrd teńge qarastyryldy. Sonyń ishinde: qalalarda (68 joba) - 47,1 mlrd. teńge; aýyldarda (245 joba) – 70,4 mlrd teńge.
«2020 jyldyń qorytyndysy boıynsha sýmen jabdyqtaý qyzmetterin qalalarda – 97,5 paıyzǵa, aýyldarda - 87,7 paıyzǵa, al qalalardaǵy aǵyndy sýlardy tazartýmen qamtýdy 74,9 paıyzǵa jetkizý josparlanýda», - delingen mınıstrlik habarlamasynda.