Bıyl stýdentter úshin 11 myń oryndyq 32 jataqhana paıdalanýǵa beriledi

NUR-SULTAN. QazAqparat – 2022 jyly elimizde stýdentter úshin 11 myń oryndyq 32 jataqhana paıdalanýǵa beriledi. Bul týraly QR Bilim jáne ǵylym mınıstrligi «Qarjy ortalyǵy» AQ basqarma tóraǵasy Asqar Ibraımov málim etti, dep habarlaıdy QazAqparat tilshisi.

«Jataqhana salýda qurylys jáne odan ári paıdalaný qoldanystaǵy qurylys, órtke qarsy jáne sanıtarlyq-epıdemıologııalyq normalarǵa qatań sáıkes júzege asyrylýy kerek. Búgingi tańda aralyq nátıjeler bar - 30 630 oryndyq 124 jataqhana paıdalanýǵa berildi. Sondaı-aq aldyn ala jasalǵan sharttar, jergilikti bıýdjet qarajatynan nysanaly qurylys, menshikti qarajat jáne demeýshilik qarajat esebinen 2022 jyly 11 myń oryndyq 32 jataqhanany paıdalanýǵa berý josparlanyp otyr», - dedi A. Ibraımov Ortalyq kommýnıkatsııalar qyzmetinde.

Budan buryn habarlanǵandaı, Asqar Ibraımov qazirgi kezde 63 myńǵa jýyq stýdent jataqhanadaǵy orynǵa muqtaj ekenin aıtty.

Sonymen qatar ol stýdentterge arnalǵan jataqhana qurylysynda jekemenshik sektordyń

qatysýyn kózdeıtin memlekettik tapsyrysty ornalastyrý tetigi týraly túsinik berdi.