Bıyl SQO-da 330 myń gektarǵa jýyq jer memleketke qaıtarylady
«Jyl sońyna deıin 330 myń gektarǵa jýyq jerdi memleket menshigine qaıtarý josparlanyp otyr. Bul jerler bolashaqta egis alqaptary men jaıylymdyq jerlerdi keńeıtý úshin paıdalanýǵa beriledi. Sonymen qatar, 223,4 myń gektar jer qor jerlerine jatady. Ol jerlerdi halyqqa malyn jaıý úshin jáne konkýrs arqyly aýyl sharýashylyǵy óndirisimen aınalysqysy keletin adamdarǵa berý josparlanyp otyr», - dedi Aıdarbek Saparov ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, oblys basshysy bıyl óńirde egistik alqabynyń ulǵaıǵanyn aıtty.
«Bıyl aýyl sharýashylyǵy daqyldarynyń egisteri 90 myń gektarǵa ulǵaıyp, 4,5 mln gektar boldy. Onyń ishinde maıly daqyldar shamamen 1 mln ga jerge egildi. Іshki naryqty áleýmettik mańyzy bar ónimdermen qanyqtyrý úshin qaraqumyqtyń egistik alqaby 3 ese artty. Osylaısha, kartop, sábiz jáne qyryqqabattyń egistik alqaby 2 ese ulǵaıdy», - dedi ol.