Bıyl ShQO-nyń monıtorıngtik toptary 20 myńnan astam reıd júrgizdi
«2021 jyldyń aqpan aıynan bastap oblysta halyqty KVI-ge qarsy vaktsınalaý bastaldy. Vaktsınalaýǵa jatatyn halyqtyń 91 paıyzy ekpeniń 1 komponentin aldy, al vaktsınalaýdy aıaqtaǵandar – 73 paıyzdy qurady» - dedi Shákárim Buqtuǵutov.
Onyń aıtýynsha, 2021 jylǵy 21 qyrkúıektegi jaǵdaı boıynsha Shyǵys Qazaqstan oblysynda «ASHYQ» jobasyna 8459 sýbekt qatysyp jatyr. Onyń ishinde resmı qatysýshylar - 8071, testileý obektileri – 388. Al 71 nysynda shekteý is-sharalarynyń buzylýy anyqtaldy.
«Shyǵys Qazaqstan oblysynyń aýmaǵynda koronavırýs ınfektsııasynyń taralýynyń aldyn alý, halyqtyń qaýipsizdigin qamtamasyz etý maqsatynda karantın kezeńinde qyzmetin júzege asyratyn obektilerdiń sanıtarlyq-epıdemııaǵa qarsy rejımdi saqtaýyn baqylaý úshin monıtorıngtik toptar quryldy. Búgingi kúni oblys boıynsha 200 monıtorıngtik top jumys isteıdi. 2021 jylǵy 1 qańtardan 21 qyrkúıekke deıin Shyǵys Qazaqstan oblysynyń monıtorıngtik toptary 20 700 reıd júrgizdi, 59780 obekti tekserilip, 5310 nysanda talaptardy buzý anyqtaldy. 2021 jyldyń 1 qyrkúıeginen 21 qyrkúıegine deıin 2761 reıd júrgizildi, 9464 obekt tekserýlermen qamtylyp, onyń 237-inen ereje buzý faktileri anyqtaldy», - dedi Shákárim Buqtuǵutov.