Bıyl shekaradaǵy 33 ótkizý beketi keńeıtiledi

ASTANA. QazAqparat – Qazaqstan shekarasyndaǵy keıbir ótkizý beketteri áli kúnge deıin eki-aq jolaqpen jumys istep tur. Bul týraly Ulttyq qaýipsizdik komıteti tóraǵasynyń orynbasary – Shekara qyzmetiniń dırektory Erlan Aldajumanov Senat kýlýarynda málim etti, dep habarlaıdy QazAqparat tilshisi.

«Keıbir ótkizý beketterinde eki jolaq qana jumys isteıdi – Qazaqstanǵa kiretin bir jolaq, Qazaqstannan shyǵatyn 1 jolaq qana bar. Al standart boıynsha ary 5 jolaq, beri 5 jolaq bolýy kerek. Problemanyń bári osynda. Qazirgi tańda ótkizý beketteri keńeıtilip jatyr. Syrtqy shekaradaǵy ótkizý beketteri Qarjy mınıstrliginiń Memlekettik kirister komıtetiniń quzyretinde. Іshki shekaradaǵy ótkizý beketterine biz jaýap beremiz. Bıyl jospar boıynsha 33 beket keńeıtiledi. Indýstrııay jáne ınfraqurylymdyq damý mınıstrligi jobalyq-smetalyq qujattamsyn ótkizip jatyr», - dedi Erlan Aldajumanov.

Sondaı-aq, ol Qazaqstan shekarasynyń 16 paıyzy ǵana tehnıkalyq kúzet jabdyqtarymen jaraqtalǵanyn aıtty.