Bıyl shekara mańyndaǵy 140 aýylda 290 nysan iske qosylady
«Aýyl – el besigi» baǵdarlamasy sheńberinde osy jyly 900 aýylda shamamen 200 mlrd teńgege 1800-den astam jobany iske asyrý josparlanyp otyr. Shekaralyq aýdandardyń ınfraqurylymyn damytý boıynsha bıyl 140 aýylda 290 nysan iske qosylady. Aýyldarǵa bólinetin qarajattyń tıimdi jáne ýaqtyly ıgerilýin máslıhat depýtattary da erekshe nazarda ustaýy kerek. «Aglomeratsııalardy damytý týraly» zań Astana, Almaty, Shymkent, Aqtóbe jáne Qaraǵandy qalalarynyń aınalasyndaǵy eldi mekenderdiń turaqty damýyn qamtamasyz etedi. Almaty aglomeratsııasynda «G4 City» jobasyn iske asyrý úshin arnaıy ekonomıkalyq aımaq quryldy», - dedi ol.
Úkimet basshysy mono jáne shaǵyn qalalarda 74 jobany iske asyrýǵa 35 mlrd teńge bólingenin eske saldy.
«Bul soma jyl saıyn 50 mlrd teńgege deıin kóteriledi. Sonymen qatar, monoqalalarda ındýstrııalyq aımaqtardy damytý úshin qajetti ınfraqurylym salynyp jatyr. Bıyl óńirlerdi damytýǵa respýblıkalyq bıýdjetten 7,2 trln teńgege transfertter bólindi. Jyl sońyna deıin kelesi negizgi kórsetkishterge qol jetkizýimiz kerek. Ekonomıkanyń naqty ósimi 4,5-5%, halyqtyń naqty jalaqysynyń ósýi – 4,6% bolýy kerek, al jumyssyzdyqtyń deńgeıi 4,8%-ten aspaýy tıis», - dedi Álıhan Smaıylov.