Bıyl Saryaǵashta 5 jańa mektep paıdalanýǵa beriledi

SARYAǴASh. QazAqparat - Túrkistan oblysy Saryaǵash aýdanynda úsh aýysymdy mektepterdiń máselesin sheshý maqsatynda ótken jyly 5 mekteptiń qurylysy bastalǵan bolatyn, dep habarlaıdy QazAqparat.

Bul qurylys nysandary 2021 jylǵa ótpeli.

Mektep ǵımarattaryn kúrdeli jóndeý jumystary byltyr eki mektepte júrgizilgen bolsa, bıyl eki mekteptiń kúrdeli jóndeý jumystaryn júrgizý josparlanyp otyr.

Odan bólek, byltyr jańadan 4 mektep salý úshin JSQ-y ázirlengen bolsa, bıyl taǵy 2 jańa mekteptiń qujattary ázirlenetin bolady.

Byltyr kúrdeli jóndeý jumystaryn júrgizý maqsatynda 12 mektepke smetalyq qujattar daıyndalǵan bolsa, bıyl qosymsha tórt mektepke smetalyq qujattar daıyndaý josparlanyp otyr.

Sondaı-aq, osy jyly qosymsha 4 mekteptiń jylý júıesi gazga aýystyrylady.

Jáne taǵy eki mekteptiń JSQ-y ázirlenetin bolady.

Jalpy aýdanda barlyǵy 80 mektep bar. Onyń 66-y tıptik, 14-i yńǵaılastyrylǵan ǵımaratta ornalasqan.

Budan basqa aýdanda 220 mektepke deıingi mekemeler bar. Onyń 16-sy memlekettik balabaqsha, qalǵany jekemenshik.

Mektepke deıingi mekemelerde 25 myńnan astam bala tárbıelenip, 3-6 jastaǵy balalardyń balabaqshamen qamtylýy tolyq sheshilgen.