Bıyl Saryaǵashqa 100 myń týrıst keledi dep boljanýda

SARYAǴASh. QazAqparat - Shıpaly sýymen álemge tanymal Saryaǵash shıpajaıyna kelip em alýshylardyń sany jyl ótken saıyn artyp keledi. Byltyr Saryaǵash aýdanyna 85 myń týrıst kelgen. Bul týraly QazAqparat tilshisi ákimdikke silteme jasap habarlaıdy.

Aýdanǵa kelgen týrısterge 50-den astam emdik saýyqtyrý shıpajaılary, balalar shıpajaıy, balalar saýyqtyrý lageri, golf klýby, 21 qonaq úı qyzmet kórsetedi. Ótken jyly týrızimdi damytý maqsatynda jalpy quny 378 mln teńge bolatyn tórt nysan iske qosylyp, 60-qa jýyq jańa jumys orny ashylǵan.

Bıylǵy jospar boıynsha Saryaǵash aýdanyna 100 myń týrıst keledi dep josparlanýda. Osy baǵytty damytý maqsatynda jalpy quny 430 mln. teńge bolatyn úsh nysan iske qosylatyn bolady dep kózdelýde. Sondaı-aq, 100-ge jýyq adam turaqty jumyspen qamtylmaq.

Bıyl aýdannyń týrıstik ındýstrııasynyń qazirgi jaǵdaıyn zertteý júrgizý maqsatynda jáne túgendeý jumystaryn júrgizý maqsatynda jergilikti bıýdjetten 10 mln. teńgeden asa qarjy qarastyrý josparlanyp otyr.

Ótken jyly Saryaǵash aýdanyna 22 mlrd teńgege jýyq ınvestıtsııa tartylsa, bıyl ol mejeni 25 mlrd teńgege jetkizý kózdelip otyr. Sonymen qatar bıyl aýdanda birqatar jańa jobalardy iske qosý josparlanǵan. Atap aıtsaq, jumyrtqaǵa qorabyn shyǵaratyn tseh pen mıneraldy sý quıý zaýyty qurylysynyń jobasyn iske qosý qarastyrylýda.

Bıyl 30 shaǵyn jáne orta kásipkerlik nysandary (dúken, ashana, toıhana, qyzmet kórsetý nysandary t.b.) iske qosylyp, 3 mlrd. teńge kóleminde ınvestıtsııa tartylýy josparda bar.

Budan ózge «Qarapaıym zattar ekonomıkasy» baǵdarlamasyna 2021 jyly 25 jobaǵa qoldaý kórsetilmek.