Bıyl polıtsııanyń qyzmettik bólmelerine jappaı kamera ornatylady

NUR-SULTAN. QazAqparat – Bıyl polıtsııanyń qyzmettik bólmelerine jappaı kamera ornatylady. Bul týraly Májilistegi Úkimet saǵatynda QR Іshki ister mınıstri Erlan Turǵymbaev aıtty, dep habarlaıdy QazAqparat tilshisi.

«Polıtsııanyń qyzmettik bólmelerinde jáne penıtentsıarlyq mekemelerde jappaı beınebaqylaý engizilýde. Іshki ister organdarynda jyldyń sońyna deıin 15,5 myń kamera jáne penıtentsıarlyq mekemelerde 33 myń kamera ornatylady»,- dedi Erlan Turǵymbaev.

Mınıstr Іshki ister organdarynda úlken ózgerister jalǵasyp jatqanyn atap ótti.

«Onyń nátıjeleri týraly aıtý ázirge erte. Osyndaı qadamdardy iske asyrý úshin zańǵa tıisti ózgerister qajet. Biz birlesken jumys úshin ashyqpyz. Sizderdiń usynystaryńyz ben eskertýlerińiz reformany sapaly júrgizýge kómektesedi dep senemin», - dep túıindedi sózin ol.