Bıyl paıdalanylmaı jatqan 3,84 mln gektar jer memleketke qaıtaryldy
«Mınıstrliktiń jer resýrstaryn basqarý komıteti respýblıka boıynsha 2,7 mln gektar jerge jospardan tys tekserý júrgizdi. Nátıjesinde 1,9 mln ga jerge 732 uıǵarym engizildi. Onyń ishinde 306,2 myń ga alań boıynsha 107 materıal sot organdarynyń qaraýynda jatyr. Tıisti sharalar qabyldanǵannan keıin 1,3 mln gektardy quraıtyn aýyl sharýashylyǵy jeri ıgerile bastady. Sonymen qatar, jerge qatysty qabyldanǵan sheshimderdiń zańdylyǵyn anyqtaý boıynsha 140 jospardan tys tekserý júrgizildi. Onyń nátıjesinde jer zańnamasyn buzý faktilerin joıý týraly 101 nusqama berildi. Jalpy búgingi tańda memleketke paıdalanylmaı jatqan 3,84 mln ga jer qaıtaryldy», - dedi QR Aýyl sharýashylyǵy mınıstri Erbol Qarashókeev OKQ-da ótken brıfıngte.
Onyń aıtýynsha, 2023 jyldyń sońyna deıin 10 mln ga paıdalanylmaıtyn jáne zańnamany buza otyryp berilgen aýyl sharýashylyǵy jeri boıynsha naqty sheshim qabyldanady.
«Atalǵan jumysty oryndaý úshin qosymsha 200 shtat bóle otyryp, jer ınspektsııasynyń quzyretin nyǵaıtý kerek. Sondaı-aq, paıdalanylmaı jatqan jerlerdi anyqtaý úshin monıtorıng júrgizý qajet. Odan bólek, óńir ákimdikteri jáne oblys ákimderiniń jer qatynastaryna jetekshilik etetin orynbasarlarynyń jaýapkershiligin kúsheıtý kerek bolyp otyr», - deıdi ol.