Bıyl paıdalanýǵa berilgen turǵyn úı kólemi artty

NUR-SULTAN. QazAqparat - Osy jyldyń alǵashqy 2 aıynda Qazaqstanda 2020 jylǵa qaraǵanda 12,8 paıyzǵa kóp turǵyn úı paıdalanýǵa berildi, dep habarlaıdy QazAqparat tilshisi.

«Statıstıkalyq málimetterge sáıkes, 2021 jyldyń qańtar-aqpanynda turǵyn úı qurylysy boıynsha 1 893 000 m2-den astam turǵyn úı paıdalanýǵa berildi, bul 2020 jyldyń sáıkes kezeńindegi kórsetkishten 12,8 paıyzǵa artyq. Respýblıkada barlyǵy 15 807 turǵyn úı paıdalanýǵa berildi, onyń 5 487-si jeke úı bolyp sanalady», - delingen QR IIDM málimetinde.

2021 jyldyń qańtar-aqpan aılarynyń qorytyndysy boıynsha turǵyn úıdi paıdalanýǵa berý kóleminiń artýy barlyq óńirlerde baıqalady:

Atyraý (225,7%), Qostanaı (123,5%), Pavlodar (119,3%), Aqtóbe (118,7%), Mańǵystaý (114,1%), Qaraǵandy (113,6%), Batys Qazaqstan (112,6%), Atyraý (112,4%), Soltústik Qazaqstan (111,4%), Aqmola (110,6%), Shyǵys Qazaqstan (107,9%), Jambyl (102,8%)), Qyzylorda (101,9%), Almaty (101,6%), Túrkistan (101,5%) oblystary men Shymkent qalasy ( 456,5%), Almaty (110,9%) jáne Nur-Sultan (106,4%) qalalary.

Sonymen birge turǵyn úı qurylysyna ınvestıtsııalar 231,2 mlrd teńgeni qurady, bul ótken jylmen salystyrǵanda 36,5 paıyzǵa joǵary.