Bıyl Pavlodar oblysynda terrorızm týraly jalǵan habarlama taratqan alty derek tirkeldi
Bul týraly Pavlodar oblysy polıtsııa departamentiniń baspasóz qyzmeti málimdedi.
«Terrorızm aktisi týraly habarlama túsken kezde árbir fakt boıynsha shuǵyl qyzmetter toby oqıǵa ornyna dereý shyǵady. Birinshi kezekte azamattardy evakýatsııalaý jumysy júrgiziledi. Keıin mamandar jarylǵysh qurylǵylardy izdeý jáne yqtımal teris saldarlardy boldyrmaý boıynsha obektilerdi tekserýge kirisedi. Bul is-sharalardy ótkizý úshin kóptegen jedel qyzmetter qosylady. Olardyń kómegi basqalarǵa qajet bolýy múmkin»,- dedi oblystyq polıtsııa departamenti bastyǵynyń birinshi orynbasary Jasqaırat Qaıyrov.
Barlyq jaǵdaıda jarylǵysh qurylǵy týraly aqparat rastalmaıdy. Kóbine, habarlasýshylar qońyraý shalyp, buzaqylyq nıetpen jalǵan aqparat taratady. Kez kelgen adam mundaı qadamǵa barmas buryn, terrorızm týraly jalǵan habarlama taratqan adam jaýapkershilikke, onyń ishinde qylmystyq jaýapkershilikke tartylatynyn este ustaǵan jón. ıAǵnı, Qylmystyq kodekstiń 273-babyna sáıkes 5 jylǵa deıingi merzimge bas bostandyǵynan aıyrý jazasy kózdelgen.
«Bolashaqta jumysqa ornalasý, qarý-jaraq lıtsenzııasyn alý kezinde jáne ózderi úshin ǵana emes, sonymen qatar jaqyn týystary úshin de kedergiler bolady. Shetelge shyǵý kezinde vıza alýǵa shekteýler jáne taǵy basqa jaǵdaılar bolýy múmkin. Aıta ketý kerek, bul qylmys úshin 14 jasqa tolǵan adamdar qylmystyq jaýapkershilikke tartylady, sondyqtan ony mektep oqýshylary da este ustaýy kerek», - delingen habarlamada.
Sonymen qatar, sot sheshimi negizinde shyǵyndar men osyndaı habarlamadan keltirilgen barlyq zalaldy óteıdi. Arnaıy qyzmetterdiń mundaı jalǵan shaqyrtýlarǵa shyǵýynyń bireýine 200-den 300 myń teńgege deıin jumsalady. Al kásiporyndar men uıymdardyń toqtap qalýynan kelgen zalal mıllıondaǵan teńgemen esepteledi.
Eger mundaı áreketterdi kámeletke tolmaǵandar jasaǵan jaǵdaıda zalaldy óteý olardyń ata-analaryna nemese zańdy ókilderine júkteledi.
Esterińizge sala keteıik, búgingi tańda quqyq qorǵaý organdarynda qylmystyń osy túrin ashýǵa barlyq múmkindikter men zamanaýı tehnıkalyq quraldar bar.