Bıyl orman órtterinen 560 mln teńge shyǵyn keldi - mınıstrlik
Onyń atap ótýinshe, 2019 jyly memlekettik orman qory aýmaǵynda 73 515,61 gektardy sharpyǵan 628 orman órti tirkelgen. Kelgen shyǵyn 563,5 mln teńgeni quraıdy. Eń iri órt Jambyl (40,9 myń gektar), Túrkistan (24 myń), Qaraǵandy (2,7 myń), Pavlodar (2,3 myń) oblystarynyń orman jáne tabıǵatty qorǵaý mekemeleriniń aýmaqtarynda bolǵan.
«Mınıstrik (QR Ekologııa, geologııa jáne tabıǵı resýrstar mınıstrligi) oryn alǵan iri orman órtteri boıynsha qyzmettik tekserý júrgizdi. Tekserý qorytyndysy órtterdiń taralýynyń negizgi sebebi dala órtteriniń memlekettik orman qorlary jerine ótýi, orman kúzetiniń tehnıkamen jáne quraldarmen álsiz jaraqtandyrylýy ekendigin kórsetti. Ótken jylmen salystyrǵanda orman órtteriniń sany 1,7 esege (358-den 628-ge deıin), orman órtteriniń aýdany 2,2 esege (162,6 myń gektardan 73,5 myń gektarǵa deıin) qysqardy», - dep atap ótedi ol.
Sáken Dildahmettiń aıtýynsha, bıyl oblystyq ákimdikterdiń orman sharýashylyǵy qurylymdyq bólimsheleriniń, orman sharýashylyǵy memlekettik mekemeleri men tabıǵatty qorǵaý mekemeleriniń qatysýymen órt qaýpi joǵary maýsymǵa daıyndyq júrgizilgen. Orman órtine qarsy kúrestegi ózara is-qımyl jospary ázirlenip, tehnıkalar, quraldar, baqylaý nysandary jóndelgen. 452,5 tonna benzın, 508,6 tonna dızel otyny daıyndalǵan.
«Shaǵyn aýdanda orman órtterin der ýaqytynda anyqtaý jáne joıý maqsatynda respýblıkanyń 8 oblysynda (Almaty, Aqmola, Shyǵys Qazaqstan, Jambyl, Qaraǵandy, Soltústik Qazaqstan, Qostanaı jáne Pavlodar oblystary) 8 mln 869 myń gektarǵa nemese memlekettik orman qorynyń 30 paıyz aýmaǵyna avıasholǵyndaý júzege asyryldy», - dedi komıtettiń baspasóz hatshysy.
Foto: Saken Dıldahmet