Bıyl óńirlerge qansha dáriger jiberildi

ASTANA. QazAqparat – Densaýlyq saqtaý mınıstrligi óńirlerdegi medıtsınalyq kadr tapshylyǵyn sheshý úshin ne istelip jatqanyn málimdedi, dep habarlaıdy QazAqparat tilshisi.

«Densaýlyq saqtaý mınıstrliginiń bilim jáne ǵylym uıymdary túlekterin aldyn ala bólý jónindegi komıssııanyń sheshimimen tapshylyqty tómendetý maqsatynda jyl basynan beri óńirlerge bilim jáne ǵylym uıymdarynyń 3 339 túlegi bólindi, onyń 911-i aýyldarǵa barady», - dep atap ótti mınıstrlikten agenttiktiń resmı saýalyna oraı.

Vedomstvonyń naqtylaýynsha, dárigerler mamandyqtary boıynsha bylaı bólindi: jalpy tájirıbe dárigeri – 1 904, qoǵamdyq densaýlyq saqtaý dárigeri – 204, ınfektsıonıst – 54, anestezıolog-reanımatolog – 195, hırýrg – 16, onkolog – 50, pýlmonolog – 15, pedıator – 76, terapevt – 32, neonotolog – 40.

«Óńirlerge kadr tartý maqsatynda rezıdentýrada mamandar daıyndaý úshin memlekettik bilim tapsyrysy ornalastyryldy. 2023 jyly 2 292 rezıdent oqýǵa túsedi dep kútiledi», - dedi mınıstrlikten.