Bıyl óńirlerde Prezıdenttik jastar kadrlyq rezervteri qurylady

ASTANA. QazAqparat – Bıyl óńirlik Prezıdenttik jastar kadrlyq rezervterin jasaqtaý bastalady, dep habarlaıdy QazAqparat tilshisi.

«Prezıdent tapsyrmasy boıynsha bıyl óńirlik kadrlyq rezervter qurylady. Bul óz kezeginde barlyq óńirlerdiń jastary úshin áleýmettik lıftke aınalady. Qazirgi ýaqytta óńirlik rezervke qatysty zańǵa túzetýler engizý jáne uıymdastyrý jumystary júrgizilýde», - dedi QR Memlekettik qyzmet isteri agenttigi tóraǵasynyń tsıfrlandyrý jónindegi orynbasary Aınur Serǵazıeva Parlament Senatynyń depýtattarymen kezdesý kezinde.

Eske salaıyq, bıyl kúzde Prezıdenttik jastar kadrlyq rezervine kezekti irikteý ótedi. Bul joly jastar 8 baǵyt boıynsha irikteledi.

Sonymen qatar, Parlament palatalarynyń birlesken otyrysynda Memleket basshysy Qasym-Jomart Toqaev saıası partııalardyń kadrlyq rezervin jasaqtaýdy usyndy.