Bıyl óńirlerde 4 IT hab ashylady

ASTANA. QazAqparat – Astana Hub jyl basynan beri 31,82 mlrd teńge ınvestıtsııa tartyp, 161,5 mlrd teńge tabys tapqan. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy QazAqparat tilshisi.

«Memlekettik saıasat IT salanyń irgetasyn qalap, odan ári damytýǵa baǵyttalǵan. Búginde IT ekojúıesiniń basty damý ınstıtýtyna aınalǵan Astana Hub rezıdentteriniń sany 1200-den asyp, sheteldik kompanııalar sany 319-ǵa jetti. Bıyl birinshi jartyjyldyqta Astana Hub qatysýshylary 161,5 mlrd tabys tapty. Al tartylǵan ınvestıtsııalar kólemi 31,82 mlrd teńgeni jetti. Mınıstrlik tehnologııalyq habtardy ashý jáne qoldaý arqyly óńirlerde Astana Hub brendin tarata bastady. Búginde biz ákimdiktermen birlesip 9 IT-hab ashtyq, bıyl taǵy 4 hab ashylady», - dedi Baǵdat Mýsın Úkimet otyrysynan keıin ótken baspasóz máslıhatynda.

Sondaı-aq, mınıstr jasandy ıntellekt salasyndaǵy jumystarǵa toqtaldy.

«Aldymen Smart Data Úkimet jobasy aıasynda negizgi derekqorlardy biriktirip, memlekettik organdar men ǵalymdarǵa, ýnıversıtetter men IT kompanııalardyń qajettilikterin qamtamasyz etemiz. Basqa sózben aıtqanda, Big Data-men qamtý. Ekinshiden, otandyq kompanııalar úshin jasandy ıntellektini modeldeý úshin beriletin derekter qoljetimdi bolady», - deıdi ol.