Bıyl ónerkásiptik qaýipsizdik boıynsha 1,5 myńnan astam tekserý júrgizildi

NUR-SULTAN. QazAqparat – Búgin Senatta ónerkásiptik qaýipsizdikti qamtamasyz etý taqyrybyndaǵy Úkimet saǵatynda QR Tótenshe jaǵdaılar mınıstri ıÝrıı Ilın óndiristerdegi tekserýler jaıynda aıtty, dep habarlaıdy QazAqparat tilshisi.

«Bıylǵy qańtardan beri ónerkásiptik qaýipsizdik boıynsha 1,5 myńnan astam tekserý júrgizilip, 27 myńnan asa talaptardy buzý jaǵdaıy anyqtaldy. 150 mln teńgeden astam somaǵa 1 184 adam ákimshilik jaýapkershilikke tartyldy. Adamdardyń ómiri men densaýlyǵyna zııan keltirý qaýpi úshin 432 nysan men 4 sýbektiniń jumysy ýaqytsha toqtatyldy», - dedi ıÝ. Ilın.

Onyń aıtýynsha, bıyl qaýipti óndiristik nysandarda 18 apat tirkeldi. Bul kórsetkish ótken jyldyń sáıkes kezeńine qaraǵanda 25 paıyzǵa tómen.

«Bıylǵy ońtaıly dınamıkaǵa qaramastan, óndiristerde apattyń bolýy qaýpi burynǵysynsha joǵary deńgeıde qalyp otyr. Sońǵy bes jylda apattar sany 30 paıyzǵa ósken. Jalpy, bes jylda 125 apat tirkelip, 110 adam zardap shekti, 53 adam qaıtys boldy», - dedi mınıstr.

Aıta keteıik, Senat tóraǵasynyń orynbasary Asqar Shákirov kásiporyndardaǵy qaýipsizdik boıynsha negizgi máselelerdi aıtty.

Sonymen qatar Tótenshe jaǵdaılar mınıstri «Abaı» shahtasyndaǵy apatqa pikir bildirdi.