Bıyl «Nurly jol» baǵdarlamasyn júzege asyrý aıasynda 1900 adam magıstratýraǵa qabyldanady
10:59, 02 Naýryz 2015
ASTANA. QazAqparat - Aldaǵy tórt jylda elimizdiń ekonomıkasynyń basym sektorlaryna jyl saıyn tórt myńǵa jýyq bilikti kadrlar qajet. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Bilim jáne ǵylym vıtse-mınıstri Tahır Balyqbaev málim etti.
Onyń atap ótýinshe, búgingi tańda «Nurly jol» baǵdarlamasy aıasynda qajetti kadrlar tolyǵymen anyqtalyp otyr. ıAǵnı, aldaǵy tórt jyl ishinde elimizdiń ekonomıkasynyń basym sektorlaryna jyl saıyn tórt myńǵa jýyq bilikti kadr qajet.
«Sol sebepti biz bıylǵy jyldan bastap osy baǵytta magıstrlerdi daıyndaýdy bastaımyz. Bıyl beıindik magıstratýra boıynsha 1900 adam qabyldap, kelesi jyldary 2500-den 3000-ǵa deıin adamdy qabyldaýdy josparlanyp otyrmyz», - dedi T.Balyqbaev.
Vıtse-mınıstrdiń aıtýynsha, osy jumystar tyńǵylyqty atqarylǵannan keıin 2017 jyly «Nurly jol» baǵdarlamasyn júzege asyrýǵa qajetti kadrlar tolyǵymen daıyndyqtan ótip, jumysqa kirisetin bolady.