Bıyl munaı men kondensat óndirisiniń kólemi 71 mln tonnany qurady

NUR-SULTAN. QazAqparat – Qazaqstanda osy jyldyń qańtarynan qazan aıyna deıin munaı jáne kondensat óndirisiniń kólemi 71,6 mln tonnaǵa jetken. Bul týraly Úkimet otyrysynda Energetıka mınıstri Nurlan Noǵaev málim etti, dep habarlaıdy QazAqparat tilshisi.

«10 aıdyń ishinde munaı jáne kondensat óndirý kólemi 71,6 mln tonnaǵa jetti. Bul - osy jyldyń 10 aıynyń josparyna sáıkes - 100,2 paıyzdyq kórsetkish», - dedi Nurlan Noǵaev.

Sonyń ishinde munaı-gaz salasyndaǵy iri kompanııalar boıynsha kórsetkishter tómendegideı:

- TShO-da atalǵan kezeńde 22,2 mln tonna munaı óndirildi, bul jospardyń - 99,9%-y;

- NKOK-ta munaı óndirý kólemi – 12,7 mln tonna, ıaǵnı qańtar-qazan aılarynyń jospary - 100% oryndaldy;

- KPO-nyń kórsetkishi 10 mln. tonnany qurap otyr, aǵymdaǵy jylǵy 10 aıdyń josparymen salystyrǵanda 102%-dy kórsetti.

Esep berilip otyrǵan kezeńde 57,5 mln tonna munaı eksporttalyp, osy jyldyń 10 aıynyń jospary 100%-ǵa oryndalǵan.