Bıyl munaı-gaz salasynda qandaı iri jobalar iske asady
«Іri munaı-gaz ken oryndarynda jobalaý jumystaryn júrgizýge yntalandyrý. Atalǵan is-shara munaı-gaz jáne ken oryndaryndaǵy geologııalyq barlaý jumystarynyń sanyn arttyrýǵa jergilikti qamtýdy damytýǵa baǵyttalǵan. Onyń aıasynda 2025 jylǵa deıin shamamen 2 500 ýaqytsha jumys ornyn qurý josparlanýda. Munaı-gaz hımııasy klasterin qurý. Qurylysy Atyraý jáne Batys Qazaqstan oblystarynda júzege asyrylatyn 7 jobany iske asyrýdy kózdeıdi. Atap aıtqanda, osy jyly qýattylyǵy jylyna 500 myń tonna polıpropılen óndiretin zaýytty iske qosý josparlanǵan», - dedi mınıstr.
Onyń atap ótýinshe, ótken jyly Qashaǵanda qýattylyǵy 1 mlrd tekshe metr bolatyn gaz óńdeý zaýytynyń qurylysy bastaldy. Qurylystyń aıaqtalý merzimi 2024 jylǵa josparlanǵan.
Sondaı-aq qýaty jylyna shamamen 1 mln tonna polıetılentereftalat, qýaty jylyna 1,25 mln tonna polıetılen jáne qýaty jylyna 186 myń tonna býtadıen óndirý jónindegi iri jobalardy iske asyrýǵa nazar aýdarylatyn bolady. Óz kezeginde, osy jobalardy iske asyrý 2022-2025 jyldar kezeńinde 2,5 myń turaqty jáne 12 myń ýaqytsha jumys oryndaryn qurýdy kózdeıdi», - dedi Bolat Aqsholaqov.