Bıyl Memlekettik qyzmet isteri agenttigine 400 ótinish kelip tústi

NUR-SULTAN. QazAqparat - Jyl basynan beri Memlekettik qyzmet isteri agenttigine jáne onyń aýmaqtyq bólimshelerine 400 ótinish kelip tústi. Bul týraly atalǵan agenttiktiń baspasóz qyzmetinen málim boldy, dep habarlaıdy QazAqparat.

«Taldaý kórsetkendeı, ótinishterdiń basym kópshiligi memlekettik qyzmetterdi kórsetý barysynda memlekettik organdardyń negizsiz bas tartýlaryna, qyzmet berýshilerdiń zańsyz is-áreketterine jáne olardy sapasyz qyzmet kórsetýlerine qatysty túsedi», - delingen agenttik málimetinde.

Jer qatynastary, sáýlet-qala qurylysy qyzmeti jáne turǵyn úı-kommýnaldyq sharýashylyq salalary memlekettik qyzmetti alý kezinde azamattar zańsyz áreketermen kezigetin jáne sáıkesinshe memlekettik organnyń áreketine shaǵymdaný maqsatynda júginetin salalar bolyp otyrǵanyn eskerý kerek.

«Ortalyq memlekettik organdar arasynda qyzmet alýshylar Tsıfrlyq damý, ınnovatsııalar jáne aeroǵarysh ónerkásibi (onyń ishinde «Azamatarǵa arnalǵan úkimet» Memlekettik korporatsııa» KEAQ) jáne Ádilet mınıstrlikteri qyzmetkerleriniń is-áreketterine kóp shaǵymdanady», - dep atalyp ótken agenttik habarlamasynda.