Bıyl memlekettik deńgeıde «Alashqa taǵzym» sherýi ótkiziledi
«Alash Respýblıkasynyń 105 jyldyǵyna oraı bıyl memlekettik deńgeıde «Alashqa taǵzym» sherýin ótkizý boıynsha sizderdiń usynys jazyqsyz zardap shekken barlyq qazaqstandyqtarǵa qatysty tarıhı ádilettilikti qalpyna keltirýge arnalǵan mańyzdy is-shara bolyp tabylady. Osyǵan baılanysty Aqparat jáne qoǵamdyq damý mınıstrligine Ǵylym jáne joǵary bilim mınıstrligimen, múddeli memlekettik organdarmen birlesip, ataýly kúndi merekeleý formatyn taldaý, pysyqtaý jáne belgilengen tártippen depýtattyq korpýsty habardar etý tapsyryldy», - dedi Úkimet basshysy jaýabynda.
Onyń atap ótýinshe, osy jyldyń basynan beri «Saıası qýǵyn-súrgin qurbandaryn tolyq aqtaý jónindegi memlekettik komıssııanyń kishi komıssııalary men jumys toptarynyń jumysyn aqparattyq súıemeldeý jónindegi» medıajospar aıasynda Memlekettik komıssııanyń qyzmetine aqparattyq qoldaý uıymdastyryldy. Memlekettik komıssııanyń is-sharalary, qyzmeti týraly materıaldar buqaralyq aqparat quraldarynda turaqty negizde jarııalanady.
«Osy jyldyń basynan beri BAQ-ta barlyǵy 1474 materıal, atap aıtqanda, respýblıkalyq telearnalarda – 128 sıýjet, óńirlik telearnalarda – 272 sıýjet, respýblıkalyq baspa basylymdarynda – 158 maqala, óńirlik baspa basylymdarynda – 507 maqala, ınternet-resýrstarda 409 materıal jarııalandy. Budan basqa, Memlekettik komıssııa músheleriniń respýblıkalyq telearnalardaǵy túrli telebaǵdarlamalarǵa qatysýy qamtamasyz etiledi. Qazaqstandaǵy saıası qýǵyn-súrginniń erekshelikteri týraly derekti fılmder toptamasyn shyǵarý men kórsetý uıymdastyrylǵan», - dedi Álıhan Smaıylov.
Foto: akorda.kz