Bıyl Mańǵystaý óńiriniń qandaı aýyldary ınternetpen qamtylady
Bul jaıynda QR Premer-Mınıstri Asqar Mamınniń Májilis depýtattarynyń resmı saýalyna bergen jaýabynda aıtylǵan, dep habarlaıdy QazAqparat tilshisi.
«2018 jyldan bastap QR Tsıfrlyq damý, ınnovatsııa jáne aeroǵarysh ónerkásibi mınıstrligi memlekettik-jekeshelik seriktestik tetigi arqyly joǵary jyldamdyqty ınternetpen qamtamasyz etý aıasynda «Joǵary optıkalyq baılanys jelisi tehnologııasy boıynsha aýyldyq eldi mekenderdi keń jolaqty ınternetpen qamtamasyz etý« jobasy júzege asyrylyp jatyr», - dep atap ótedi Úkimet basshysy.
Onyń atap ótýinshe, atalǵan joba aıasynda 2020 jyldyń sońyna deıin Mańǵystaý oblysyna qarasty 8 aýyldyq eldi mekenniń 26 memlekettik organy men mekemesi keń jolaqty ınternetke qol jetkizetin bolady.
«Olar: Batyr, Qulandy, Senek, Ońdy, Tuşyqudyq, Shaıyr, Sheber, Jyngeldi aýyldary. Buǵan qosa, 29 aýyldyq eldi mekenniń (Beıneý, Qaraqııa, Mańǵystaý, Munaıly, Túpqarǵan aýdandarynyń jekelegen aýyldary) árbir abonenttik qurylǵysyn keminde sekýndyna 3 Mbıt jyldamdyqpen qosylýǵa múmkindigi bar tórtinshi býynnyń mobıldi baılanysymen qamtamasyz etý josparlanǵan», - dedi Asqar Mamın.
Sonymen qatar Premer-Mınıstri depýtattar kóterip otyrǵan bul máseleniń Úkimettiń turaqty nazarynda ekendigin atap ótedi.