Bıyl Mańǵystaý fermerleri jem-shóppen qalaı qamtylady
«2022 jylǵy 29 sáýirde Mańǵystaý oblysynda aýyl sharýashylyǵy janýarlaryn mal azyǵymen jáne jaıylymmen qamtý máselelerin sheshý jóninde keńes ótti. Jıynǵa Aqtóbe, Batys Qazaqstan, Qostanaı, Mańǵystaý oblystary ákimdikteriniń jáne Ekologııa, geologııa jáne tabıǵı resýrstar mınıstrliginiń ókilderi qatysty. Keńes sońynda Mańǵystaý oblysynyń ákimdigine tıisti usynystar jasaldy», - dep atap ótken Aýyl sharýashylyǵy mınıstrliginiń QazAqparatqa bergen málimetinde.
Atap aıtqanda, 2022 jyldyń qańtarynda 15 júıeli is-sharany kózdeıtin jem-shóp salasyn damytý jónindegi 2022-2025 jyldarǵa arnalǵan jol kartasy bekitildi.
«Bul turǵyda atalǵan óńir ákimdigine Jol kartasynyń is-sharalaryn oryndaý boıynsha jumysty jandandyrý, jaıylymdardy basqarý josparlary aıasynda Jambyl oblysynyń JQSh aýyl sharýashylyǵy maldaryn jaıylymdarmen qamtamasyz etý jónindegi tájirıbesin zerdeleý, sondaı-aq jergilikti bıýdjetten qajetti qarajat bólý arqyly mal sharýashylyǵyn damytýdyń oblystyq baǵdarlamasyn ázirleý usynyldy. Munymen qosa, mal azyǵy óndirisi boıynsha jobalar qurýdy pysyqtaý, jem-jóp daqyldary alańdaryn ulǵaıtý, shabyndyq brıgadalaryn qurý jáne olardyń kórshiles oblystarǵa shyǵýyn uıymdastyrý máseleleri eskerildi», - delingen vedomstvo aqparatynda.
Sonymen qatar, Aqtóbe, Batys Qazaqstan jáne Qostanaı oblystarynyń ákimdikterine jem-shóp daıyndaý men aýyl sharýashylyǵy janýarlaryn jaıý úshin Mańǵystaý oblysyna jer bólip berýge járdemdesý máselesin pysyqtaý usynysy jasaldy.
«Ekologııa, geologııa jáne tabıǵı resýrstar mınıstrligi tabıǵat qorǵaý aımaqtarynda shóp shabý úshin barlyq jaǵdaı jasalǵanyn málimdedi. Sondaı-aq «Azyq-túlik kelisimshart korporatsııasy» UK» AQ Mańǵystaý oblysyndaǵy mal ósiretin sharýashylyqtarǵa arzandatylǵan baǵamen 5 000 tonna bıdaı kebegin jetkizý týraly sheshim qabyldady», - dep habarlady AShM baspasóz qyzmeti.
Budan buryn habarlanǵandaı, bıyl keıbir ońtústik óńirlerde, sonymen qatar Mańǵystaý oblysynda qurǵaqshylyq bolýy yqtımal.
Jaqynda Aýyl sharýashylyǵy mınıstri Erbol Qarashókeev mal sharýashylyǵyn damytýdaǵy tejeýshi faktor retinde jem-shóp bazasynyń jetkiliksizdigin aıtqan edi.