Bıyl mal azyǵyna 21 mln tonna shóp daıyndaldy
«Bıyl aýyl sharýashylyǵy janýarlarynyń mal basyn azyqpen qamtamasyz etý úshin azyqtyq daqyldardyń egis alańdary 3,2 mln gektardan 3,7 mln gektarǵa deıin ulǵaıtyldy. Jalpy, 2022 jyly elimizdiń kóptegen aımaqtarynda qolaıly aýa-raıynyń jaǵdaıy baıqalady. Bul azyq daıyndaý naýqannyń sátti ótýine yqpal etedi», - dedi mınıstr.
Onyń aıtýynsha, jergilikti atqarýshy organdar usynǵan jedel derekterge sáıkes, búginde 21 mln tonna shóp daıyndaldy. Bul jospardyń 87,3 paıyzyn qurap otyr. Al jospar 24,1 mln tonnany quraıdy. Tutastaı alǵanda, barlyq óńirlerde mal azyǵyn jınaý jumystaryn oryndaý barysynyń oń serpini baıqalady.
«22 tamyzdaǵy jaǵdaıy boıynsha pishendeme daıyndaý 1,2 mln tonnany nemese 90,6 paıyzdy, saban 1 mln tonnany nemese 27,4 paıyzdy, qunarly azyq 918 myń tonnany nemese 17,6 paıyzdy jáne súrlem 192 tonnany nemese bul jalpy jospardyń 11 paıyzdy quraıdy. Aıta ketý kerek, bul azyq túrlerin daıyndaý negizinen qyrkúıek pen qazan aılarynda júrgiziledi. Jalpy, mınıstrlik azyq daıyndaý barysyna turaqty monıtorıng júrgizýde», - dedi Erbol Qarashókeev.