Bıyl qyzylsha juqtyrý derekteri ósti - Bas sanıtarııalyq dáriger

ASTANA. QazAqparat – Bıyl elimizde qyzylsha aýrýyn juqtyrýdyń 3 myńnan astam oqıǵasy tirkeldi. Bul týraly Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Esmaǵambetova aıtty, dep habarlaıdy QazAqparat tilshisi.

«Keıingi 10 jylda elde qyzylsha aýrýyn juıqtyrý jaǵdaılaryn qospaǵanda, vaktsınamen basqarylatyn ınfektsııalar boıynsha epıdemıologııalyq jaǵdaı turaqty. Bıyl qyzylshamen syrqattaný derekteriniń ósýin baıqap otyrmyz. Qazir qyzylshany juqtyrýdyń 3 037 jaǵdaıy tirkelgen», - dedi A. Esmaǵambetova Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, qyzylsha aýrýy eldiń barlyq aımaǵynda tirkelip jatyr. Atap aıtqanda, qyzylsha Almaty qalasynda (1 101.), Jambyl (430), Almaty (352), Atyraý oblystarda (237), Astana (209) jáne Shymkent (194) qalalarynda kóp anyqtalǵan.

«Aýrý juqtyrýdyń jaǵdaıynyń ósýine qyzylshaǵa qarsy josparly vaktsınatsııa almaǵan balalardyń kóbeıýýi sebep bolyp otyr. Máselen, aýyrǵandardyń 72 paıyzynda vaktsınatsııalanbaǵan balalar anyqtaldy. Onyń ishinen 60 paıyzynda ata-analardyń vaktsınatsııadan bas tartýyna baılanysty bolǵan (1282), 20 paıyzynda (416) ekpege medıtsınalyq qarsy kórsetilimderi anyqtaldy, sondaı-aq qalǵan 20 paıyzynda (431) balalar vaktsına egý jasyna jetpegen», - dedi vıtse-mınıstr.