Bıyl «Qyzylorda-Jezqazǵan» jolynyń 140 shaqyrymy qoldanysqa beriledi

ASTANA. QazAqparat – Qyzylorda oblysynyń ákimi Nurlybek Nálibaev ortalyq kommýnıkatsııalar qyzmetinde ótken brıfıngide «Qyzylorda-Jezqazǵan» joly qashan tolyq paıdalanýǵa beriletinin aıtty, dep habarlaıdy QazAqparat tilshisi.

«Oblys ortalyǵyndaǵy jolaýshylar tasymaldaý qyzmetin jaqsartý úshin ótken jyly 150 jańa avtobýs alyndy. Bıyl qyrkúıekke deıin taǵy 150 avtobýs marshrýtqa qosylady. Osylaısha, biz aımaqtyń bas shaharyndaǵy qoǵamdyq kólik máselesin túbegeıli sheshemiz», – dedi ákim.

Onyń málimetinshe, jergilikti mańyzy bar 366 shaqyrym avtomobıl jolyn jóndeý josparlanǵan.

«Qyzylorda-Jezqazǵan» avtojolynyń uzyndyǵy – 216 shaqyrym. Bıyl onyń 140 shaqyrymnan astamyn aıaqtaý mejelengen.

Qalǵan bóligi 2025 jyldyń aıaǵyna deıin tolyq aıaqtalyp, halyq ıgiligine berilmek.

«Qazaqstan temir joly» kompanııasymen birlesip, Qyzylorda temirjol vokzalynyń ǵımaratyn qaıta jańǵyrtý jumystary júrip jatyr», - dedi oblys ákimi.