Bıyl kúzge deıin Qazaqstanda qansha adam vaktsına alady

NUR-SULTAN. QazAqparat – QR Densaýlyq saqtaý mınıstri Alekseı Tsoı bıyl kúzge deıin elimizde qansha adam vaktsınamen qamtamasyz etiletinin aıtty, dep habarlaıdy QazAqparat tilshisi.

«Óndirýshilermen kelissózder júrgizýdi eskere otyryp, bıylǵy qyrkúıek aıyna deıin Qazaqstanda 10 mıllıonǵa jýyq adamdy nemese qamtylýy tıis kontıngenttiń 100 paıyzyn vaktsınaǵa qoljetimdigin qamtamasyz etý josparlanǵan», - dedi mınıstr Úkimet otyrysynda.

Onyń sózine qaraǵanda, Densaýlyq saqtaý mınıstrligi eldegi jáne álemdegi epıdemıologııalyq ahýalǵa turaqty monıtorıng júrgizip otyr.

Budan buryn habarlanǵandaı, Alekseı Tsoı el óńirlerine qansha vaktsına jetkizilgenin aıtty .

Sáýirde elimizdiń 2 mıllıonǵa jýyq adamyn vaktsınalaýǵa qoljetimdigin qamtamasyz etý eskerilgen.

Sonymen qatar qazirgi ýaqytta óńirlerdegi ımmýndaý is-sharalary 916 ekpe pýnktinde júrgizilip jatyr .