Bıyl kúrish egistikteri 8,7 myń gektarǵa azaıǵan
«Bıyl Úkimettiń ákimdiktermen birlesip qabyldaǵan sharalary, sondaı-aq aýa raıynyń qolaıly bolýy sýarmaly jerlerde aıtarlyqtaı shyǵyndarsyz astyq ósirip, jınaýǵa múmkindik berdi. Bıyl daqyldar 1,4 mln gektar sýarmaly egis alańynda ósirildi. Onyń negizgi úlesi, ıaǵnı 75,8 paıyzy nemese 1,1 mln gektar áli de jerústi ádisimen sýarylady. Sýarýdyń bul ádisi fermer úshin arzanǵa túsedi, biraq sý paıdalaný boıynsha utymsyz bolyp otyr. 18,3 paıyz nemese 268 myń gektarda sý únemdeý tehnologııasy qoldanyldy», - dedi E. Qarashókeev.
Onyń aıtýynsha, sýarmaly jerlerde dándi, maıly, kókónis-baqsha daqyldary, jem-shóp, maqta, kartop, kúrish, qant qyzylshasy ósiriledi. Osy oraıda negizgi úlesti bıdaı men arpa, sondaı-aq maqta men kúrish sııaqty alady.
«Osy oraıda oblys ákimdikteri joǵary tıimdi daqyldarǵa jáne sý únemdeý tehnologııalaryna kóshý jumystaryn jandandyrýy qajet. Atap aıtqanda, sýdy kóp qajet etetin daqyldardy qysqartý jjumystary júrgizilip jatyr. Bıyl basqa da tıimdi daqyldarǵa kóshý esebinen kúrish alańy 2021 jylmen salystyrǵanda 8,7 myń gektarǵa azaıdy. Onyń ishinde Qyzylorda oblysynda 5,3 myń gektar, Túrkistan oblysynda - 2,9 myń gektar jáne Almaty oblysynda 0,6 myń gektarǵa qysqardy», - dedi mınıstr.
Budan buryn habarlanǵandaı, QR Premer-Mınıstri Álıhan Smaıylov Ekologııa mınıstrligi men ákimdikterge kanaldar men sý qoımalaryn qalpyna keltirý jumystaryn kúsheıtýin tapsyrdy.
Ashyq kózderden alynǵan foto