Bıyl quny 9,5 mln dollar bolatyn sıntetıkalyq esirtki tárkilendi - ІІM

NUR-SULTAN. QazAqparat – Jyl basynan elimizde esirtkiniń zańsyz aınalymyna qatysty 1 700-ge jýyq qylmys tirkeldi. Bul týraly QR Іshki ister mınıstrligi Esirtki qylmysyna qarsy is-qımyl departamenti basqarmasynyń bastyǵy Baqytjan Ámirhanov aıtty, dep habarlaıdy QazAqparat tilshisi.

«Jyl basynan beri esirtkiniń zańsyz aınalymyna qatysty 1 700-deı qylmys tirkeldi. Onyń ishinde satý faktisi – 1 055. Asa iri mólsherde esirtki zatyn saqtaý faktisi – 262. Sıntetıkalyq esirtkiniń tárkilengen jalpy salmaǵy 333 kelideı bolady. Jalpy tárkilengen esirtki salmaǵy 4 tonnadan asady. Onyń ishinde 2,2 tonnasy marıhýana bolsa, 300 keliden astamy esirtkiniń gashısh túri», - dedi B.Ámirhanov Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, esirtkiniń sıntetıkalyq túrleri elimizde 2015 jyldan bastap tarala bastaǵan.

«Sońǵy jyldary esirtkiniń bul túrimen barynsha kúresip, birqatar is-shara qabyldadyq. 2017 jyly jylyna 6 kelideı ǵana esirtki tárkilenetin bolsa, byltyr 140 keli tárkilendi. Tek ishki ister organdary jyl bastalǵaly 87 kelini zańsyz aınalymnan shyǵardy. Kórsetkish byltyrmen salystyrǵanda 2 ese kóp», - dedi Baqytjan Ámirhanov.

Basqarma basshysy kórshiles reseılik áriptestermen birge ótken jyldyń sońynan bastap arnaıy operatsııa júrgizgenderin, nátıjesinde osy jyldyń sáýirinde uıymdasqan qylmystyq top ustalǵanyn aıtty.

«Omby men Taraz qalalarynda bir kúnniń ishinde uıymdastyrylǵan arnaıy operatsııa barysynda 260 kelige jýyq sıntetıkalyq esirtki tárkilendi. Jalpy, is-shara Altaı, Aqtóbe, Almaty, Qyzylorda syndy 7 qalada bir mezette ótti. Nátıjesinde 13 adam ustaldy. Búginde tergeý amaldary júrgizilip jatyr. Salystyrmaly túrde aıtar bolsaq, 1 gramny ń ózi qylmystyq jaýapkershilikke tartýǵa sebep bolady. Al 260 keli esirtkiniń naryqtaǵy quny 9,5 mln AQSh dollaryn quraıdy. O ny birrettik dozaǵa shaqsaq mıllıonnan asady», - dedi ol.