Bıyl Qostanaı oblysynda 14 myń avtokólik eksportqa shyǵarylady
Oblys ákiminiń sózinshe Qostanaı oblysy 2020 jyldy áleýmettik-ekonomıkalyq damýdyń oń kórsetkishterimen aıaqtady. Atap aıtqanda, ónerkásip óndirisi 7,4%, ınvestıtsııalar 11, qurylys jumystary 28,4%ǵa artqan. Osy jyly oblystyń ónerkásip kásiporyndary 149 trln teńgeniń ónimin óndirdi.
«Aıtarlyqtaı ósim mashına jasaý salasyna tıesili. Bul salada otandyq mamandardy jumysqa tartý boıynsha keshendi sharalar atqarylyp jatyr. Sala kásiporyndary 392,1 mlrd teńgeniń ónimderin shyǵardy, bul rette jeńil avtomobılder qurastyrý 1,5 ese, shaǵyn avtobýstar 2,4 ese, júk avtomobılderin qurastyrý 3 ese, traktorlar qurastyrý 1,8 ese ulǵaıdy. Jalpy, jyl qorytyndysy boıynsha, avtoónerkásip 40 myńnan astam avtokólik shyǵardy, bul 2019 jyldyń qańtar-jeltoqsanyna qaraǵanda 1,6 ese kóp. Bıyl shamamen 60 myń avtokólik qurastyrý josparlanyp otyr. Sonymen qatar 14 myń avtomobıl eksportqa shyǵarylady», - deıdi aımaq ákimi.
Qostanaı óńirinde metallýrgııa ónerkásibi damyp keledi. 2020 jyly kásiporyndar naryqqa 149,5 mlrd teńgeniń ónimin shyǵarǵan.
Oblys ákiminiń aıtýynsha, byltyr pandemııa saldarynan birqatar ónerkásip oryndary shyǵynǵa ushyrady. Coǵan qaramastan memlekettik baǵdarlamalardyń arqasynda jergilikti kásipkerler materıaldyq qoldaýǵa ıe boldy. Nátıjesinde tamaq ónimderi óndirisiniń jalpy kólemi 8,1%-ǵa ósti. Sary maı óndirisi 54,9%, alkogolsiz sýsyndar 22,4%, un 14,4%, shujyq ónimderi 8,2%-ke, sút jáne kilegeı - 8,0%-ǵa artty.