Bıyl Qostanaı oblysy joldaryna 800 jańa belgi qoıylady
15:05, 12 Maýsym 2019
QOSTANAI. QazAqparat - Bıyl Qostanaı oblysynyń respýblıkalyq mańyzy bar avtomobıl joldaryn qoldanysta ustaýǵa 1,6 mlrd teńge bólindi, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
Keshendi baǵdarlama aıasynda aǵymdaǵy jyly 30 myń sharshy metr jolda paıda bolǵan shuńqyrlardy jóndeý josparlanǵan. Búgingi kúni jyldyq jospardyń 30 %-dan astamy oryndaldy.
«Sonymen qatar, jolshylar 800 dana jol belgisin ornatady, 1900 shaqyrym qashyqtyqqa jol belgilerin salady. 2 myń metr qorshaý jóndeledi. Sondaı-aq, kóktemgi-jazǵy kezeńde 613 km orman jolaqtaryn jyrtý boıynsha jumystar júrgiziledi» delingen habarlamada.