Bıyl kóshi-qon qyzmeti arqyly 475 myńnan astam memlekettik qyzmet kórsetildi

NUR-SULTAN. QazAqparat - Bıyl kóshi-qon qyzmeti arqyly 475 myńnan astam memlekettik qyzmet kórsetildi. Bul týraly Nur-Sultan qalalyq polıtsııa departamenti Kóshi-qon qyzmeti basqarmasynyń bastyǵy Arman Baımuhambet aıtty, dep habarlaıdy QazAqparat tilshisi.

«Osy jyldyń 9 aıynyń ishinde 475 myńnan astam memlekettik qyzmet kórsetildi. 2020 jyldan bastap sheteldikterdi ishki ister organdarynda tirkeý alynyp tastalǵan bolatyn. Olardy esepke alý vızalyq kóshi-qon portalynda habarlandyrý arqyly júrgiziledi», - Arman Baımuhambet.

Onyń atap ótýinshe, kórsetiletin memlekettik qyzmetterdiń sapasyn jaqsartý jáne olardy elektrondy formatqa kóshirý maqsatynda «Eńbek ımmıgranttaryna ruqsat berý jáne uzartý» qyzmeti qalalyq Halyqqa qyzmet kórsetý ortalyqtaryna berilgen.

Aıta keteıik, ótken aıda elimizdiń aýmaǵynda «Ýchaske» jedel aldyn alý is-sharasy ótkizilip, onyń aıasynda kóshi-qon zańnamasyn buzýdyń 30 myńnan astam faktisi tirkelgen bolatyn.