Bıyl kommýnıkatsııalyq jelilerge baılanysty 57 joba júzege asady

ASTANA. QazAqparat - Aǵymdaǵy jyly kommýnıkatsııalyq jelilerdi damytýǵa baǵyttalǵan 57 jobany júzege asyrýǵa 20,8 mlrd. teńge qarastyryldy. Bul týraly búgin Májiliste «Nur Otan» parlamenttik fraktsııasy janyndaǵy Óńirlik saıasat jáne máslıhattarmen jumys jónindegi keńesiniń keńeıtilgen otyrysynda Ulttyq ekonomıka vıtse-mınıstri Qaıyrbek Óskenbaev málim etti. Eske salaıyq, jıynda elimizdegi turǵyn úı-kommýnaldyq sharýashylyǵyn jańǵyrtý barysy talqylanǵan bolatyn.

«2011-2013 jyldary qarjy kózderinen 16 myń shaqyrym gaz, elektr jáne jylýmen qamtý jelilerine jańǵyrtý jumystary júrgizildi. Respýblıkalyq bıýdjetten 124 jobany júzege asyrýǵa 34,2 mlrd. teńge bólinip, oǵan 1906 ınjenerlik djelileprdi jańǵyrtý jumystary qaralǵan», - dedi vıtse-mınıstr Qaıyrbek Óskenbaev.

Onyń aıtýynsha, jylýmen qamtamasyz etetin jeliler men ǵımarattar 58 paıyzdy quraıdy. Onyń ishinde elektrmen jabdyqtaý jelileri 70aıyz, gazben qamtamasyz etý 52 paıyzdy quraıdy.

«Jalpy aǵymdaǵy 2014 jyly kommýnaldyq sektordy damytý baǵytynda 57 jobany júzege asyrýǵa 20,8 mlrd teńge qarastyrylǵan. Bunyń ishinde bıyl 48 nysan qoldanysqa ense, qalǵan 9-y kelesi jylǵa qaldyrylǵan. Sonymen qatar, 658 shaqyrym ınjenerlik jeliler qaıta jańǵyrtylady», - dedi vıtse-mınıstr.