Bıyl kóktemde 1815 kıik laǵy tálimbaqqa alynady

ASTANA. QazAqparat – Ekoolgııa jáne tabııǵı resýrstar mınıstrligi Orman sharýashylyǵy jáne janýarlar álemi komıtetiniń mamandary kıikterdi ǵylmı maqsatqa paıdalaný sharasy qalaı iske asatynyn túsindirdi, dep habarlaıdy QazAqparat tilshisi.

Orman sharýashylyǵy jáne janýarlar álemi komıtetiniń bas sarapshysy Asqar Abdrahmanovtyń brıfıng aldynda aıtqan málimeti boıynsha, ǵylymı maqsatqa kıik alý kezinde bir de bir janýar atylmaıdy.

«Kıikti ǵylymı maqsatta alyp qoıý týraly aıtsaq, ań aýlaý obektileri bolyp esepteletin janýarlardy alyp qoıý lımıti bekitilip jatyr. Sonda ǵylymı-zertteý ınstıtýttarynyń, mekemeleriniń ótinimderi boıynsha bıyl 1815 bas kıikti alý kózdelip otyr. Kıikter ǵylymı zertteý maqsatymen ǵana alynady. Jáńgir han atyndaǵy agrotehnıkalyq ýnıversıtetinde 2012 jyldan beri tálimbaq jumys istep tur. Sonyń bazasynda kıikterdi qoldan ósirý jáne jartylaı erkindikte ustaý jumystaryn júrgizedi», - dedi ol.

Sarapshynyń aıtýyna qaraǵnada, kıikti asyraýdaǵy basty maqsat – olarǵa tirideı zertteý jumystaryn júrgizý.

«Kóktemde laqtaryn alamyz. Odan keıin tálimbaqta ósiredi. Ósirý kezinde zertteý jumystary júrgiziledi. Jas kezinen bastap azyq berý, taldamalaryn alyp otyrý, jaı-kúıin tekserý sol maqsatta alynady», - dedi Asqar Abdrahmanov.