Bıyl kemi 4 paıyz ekonomıkalyq ósimdi qamtamasyz etý qajet – Úkimet basshysy
«Bıyl biz eń kemi 4 paıyz ekonomıkalyq ósimdi qamtamasyz etý úshin bárimiz úılesimdi ári tıimdi jumys júrgizýimiz kerek. Ekonomıka salalaryn damytýda birinshi kezekte ishki naryqty otandyq taýarlarmen tolyqtyrýǵa basymdyq berilýi tıis. Halyqtyń ál-aýqaty eń aldymen turaqty ósimge baılanysty. Sondyqtan, ekonomıkany odan ári ártaraptandyrýǵa jáne turaqty jumys oryndaryn qurýǵa baǵyttalǵan jumystardy jandandyrý kerek», - dedi Úkimet basshysy.
Osy rette Álıhan Smaıylov mınıstrlikter men óńir ákimdikteri ınvestıtsııa tartý jáne ınvestıtsııalyq jobalardy súıemeldeý jumystaryn kúsheıtýi tıistigin basa aıtty.
«Ár ınvestormen jumys istep, árqaısysyna bólek jaǵdaı jasap, qarsy mindettemeler belgileý qajet. Biz ár jobanyń ekonomıkalyq nátıjesin kórýimiz kerek. Bıyl kem degende 24,4 mlrd dollar sheteldik ınvestıtsııa tartý qajet», - dedi Álıhan Smpaıylov.