Bıyl Kedendik odaqtyń 13 tehnıkalyq reglamenti qabydanady

ASTANA. 12 aqpan. QazAqparat - Bıyl Kedendik odaqtyń 13 tehnıkalyq reglamenti qabydanady. Bul týraly búgin QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetinde Keden odaǵynyń tehnıkalyq reglamentterin iske asyrýǵa daıyndyq máselelerin talqylaýǵa arnalǵan alqa jıynynda komıtet basshysy Ryskeldi Sátpaev málim etti.

Atalmysh jıynda mashına jasaý ónimderine qoıylatyn mindetti talaptardy belgileıtin 6 reglament talqylanady jáne ol qujattar 15 aqpan kúni kúshine enbek. 2013 jyldyń 1 shildesinen bastap - tamaq ónimderine arnalǵan tehnıkalyq reglamentter qabyldanady.

«Kedendik odaq jáne Biryńǵaı ekonomıkalyq keńistik elderi arasynda taýarlardyń erkin aınalymyna qajetti sharalar men jaǵymdy jaǵdaılar jasaý jumystary úzdiksiz atqarylyp keledi», - deıdi R.Sátpaev.

Onyń atap ótkenindeı, 2012 jyly Keden odaǵy elderimen Qazaqstannyń syrtqy saýda aınalymynyń kólemi 4,8 paıyzǵa ósken. Osy oraıda tehnıkalyq reglamentterdi birizdendirý qajet. Máselen 2013 jyly Keden odaǵynyń 13 tehnıkalyq reglamenti qabyldanbaq.

Májiliske Qazaqstan, Reseı jáne Belarýs elderiniń Eýrazııalyq ekonomıkalyq komıssııasynyń músheligine engen tehnıkalyq retteý máseleleri jónindegi vedomstvolarynyń basshylyǵy qatysty.