Bıyl qajylyqqa barǵandar sany rekordtyq kórsetkishke jetýi múmkin

MEKKE. QazAqparat - Saýd Arabııasy qajylyqqa saparlaýshylardy qarsy alyp jatyr. Bıyl Mekkege sapar pandemııadan beri alǵash ret sanıtarlyq shekteýsiz ótip jatyr, dep habarlaıdy QazAqparat Euronews-ke silteme jasap.

Koroldik bıligi bıylǵy dinı rásimdi oryndaýǵa kelýshiler sany buryn-sońdy tarıhta bolmaǵan kórsetkishke jetýi múmkin dep sanaıdy. Óıtkeni osy ýaqytqa deıin eki mıllıonǵa jýyq adam kelip úlgergen, endi kem degende eki jarym mıllıon adam keledi dep kútedi.

Bıylǵy jyly Reseı musylmandary úshin qajylyq kvotasy 25 myń adamdy qurady.

Kelýshiler sanynyń artýyna baılanysty bılik qaýipsizdik sharalaryn kúsheıtýge tyrysyp jatyr. Eldegi aptap ystyq birshama qıyndyqtar týǵyzýy múmkin. Qazirdiń ózinde Mekke aımaǵynda kúndizgi temperatýra 46°-qa jetedi.

Buǵan deıin 4 myń qazaqstandyq Mekkege qajylyq sapar jasaıtynyn habarlaǵan bolatynbyz.