Bıyl Qazaqstannyń barlyq aýdan ortalyqtarynda 4G iske qosylady

ASTANA. QazAqparat - 2017 jyldyń sońynda Qazaqstannyń barlyq aýdan ortalyqtarynda joǵary jyldamdyqty 4G baılanysy iske qosylady. Bul týraly búgin QR Aqparat jáne kommýnıkatsııalar mınıstrliginiń keńeıtilgen alqa májilisinde vedomstvo basshysy Dáýren Abaev málim etti, dep habarlaıdy QazAqparat.

«3G men 4G jelileri qarqyndy damý ústinde. Abonentterdiń jalpy sany 14 mıllıonǵa jetti. 2014 jyldyń sońynda biz barlyq aýdan ortalyqtaryn 4G jelisimen qamtýdy josparlap otyrmyz», - dedi ol.

Onyń aıtýynsha, baılanys jelilerin damytýdyń halyq úshin paıdasy mol. Olar eń aldymen sapaly telekommýnıkatsııalyq qyzmetke qol jetkizedi. Al baılanys operatorlary ózderiniń abonenttik bazasyn ulǵaıtsa, memleket bıýdjetti tolyqtyrýǵa qosymsha qarjy kózin alady.

«Máselen, 2016 jyly respýblıkalyq bıýdjetke radıojelilik spektordy paıdalanýǵa tólemder men alymdar esebinen shamamen 70 mlrd. teńge tústi», - dedi mınıstr.

Sonymen qatar ol qala men aýyl arasyndaǵy «sandyq teńsizdikti» tómendetý maqsatynda mınıstrlik 2020 jylǵa deıin memlekettik-jeke seriktestik aıasynda 2 mıllıonnan astam adam turyp jatqan 1300-den astam aýylda talshyqty-optıkalyq jeli tartý jobasy júzege asyrylatyndyǵyn atap ótti.

«Osyǵan oraı Baılanys departamentine 1 naýryzǵa deıin joba tujyrymdamasyn Ulttyq ekonomıka mınıstrligimen kelisýdi tapsyramyn», - dedi Abaev.