Bıyl Qazaqstanǵa shet elderden 100 myń iri qara ákelinedi
Etti mal basynyń sanyn arttyrý jáne sapasyn jaqsartý úshin «Etti mal sharýashylyǵyn damytýdyń 2018-2027 jyldarǵa arnalǵan baǵdarlamasy» sheńberinde fermerlik sharýashylyqtardy damytý jáne qarjylyq qoldaý júzege asyrylyp jatyr. Otbasy fermalary túrinde shaǵyn sharýashylyqtardy qurý salalyq baǵdarlamanyń negizine jatty, olar 100 basqa deıin ІQM ósirý boıynsha fermerlik sharýashylyqtardan, ónerkásiptik mal jemdeıtin oryndardan jáne zamanaýı et óndiretin keshenderden turatyn kooperatsııa nysanynda qurylady.
«Importtyq iri qarany satyp alý úshin nesıe berýge baǵyttalǵan «Sybaǵa» baǵdarlamasyna qatysatyn fermerdiń Agrarlyq nesıe korporatsııasy qarajaty esebinen óziniń jeke tóldeıtin mal basyn quraýǵa, sondaı-aq joǵary ónimdi asyl tuqymdy buqalardy paıdalanyp, tóldiń ónimdi kórsetkishterin jaqsartýǵa, jem-shóp, tehnıka jáne qural-jabdyqtar satyp alýǵa, jaıylymdy qorshaýǵa múmkindigi bar.
Búgin fermerlik sharýashylyqtar jeńil sharttarmen nesıe ala alady - nesıe merzimi 15 jylǵa deıin, syıaqy mólsherlemesi sýbsıdııany eskere otyryp 4%-dan bastalady. Kepilzatty qamtamasyz etýge qoıylatyn talaptar barynsha jeńildedi - kepilzat retinde qolda bar, satyp alynatyn mal jáne fermerlerdiń ózge aktıvteri qabyldanady» delingen habarlamada.
Importtyq maldy alýdyń artyqshylyqtary az emes. Bul, eń aldymen - fermerlerdi joǵary genetıkalyq áleýeti bar ІQM-men qamtamasyz etý. Importtyq maldyń tólin ósirgende, qysqa merzimde salmaǵy 550-600 kg jetedi, al jergilikti genetıkany paıdalanǵanda, tek osynyń jarty salmaǵyna ǵana qol jetkizýge bolady.
2018 jyly Agrarlyq nesıe korporatsııasy osy baǵdarlama sheńberinde ımporttyq maldyń 30,1 myń basyn satyp alý úshin 19,1 mlrd teńge nesıe berdi. Sonyń ishinde elimizge 15,2 myń bas iri qara ákelindi jáne taǵy 2,3 myń mal jolda kele jatyr.
2019 jyly «QazAgro» Holdıngi ımporttyq ІQM basyn satyp alýdy qarjylandyrý boıynsha 100 myń bas ındıkatıvin belgiledi. Sonyń ishinde «Agrarlyq nesıe korporatsııasy» AQ úlesi - 65 myń bas. Bul maqsatqa 40,6 mlrd teńge bólindi.
Nesıe alýǵa nıet bildirgen fermerlik sharýashylyqtar jaqyn ornalasqan nesıe seriktestikterine, «Agrarlyq nesıe korporatsııasy» AQ óńirlik fılıaldaryna, sondaı-aq Ortalyq apparattyń keńsesine júgine alady.