Bıyl Qazaqstanǵa kelgen ımmıgranttar sany birden 51 paıyzǵa ósti

ASTANA. QazAqparat – Bıyl qańtar-qyrkúıekte elimizge 11 myń adam kelgen. Bul ótken jyldyń 9 aıymen salystyrǵanda bir jarym ese artyq, dep habarlaıdy QazAqparat tilshisi.

Ranking.kz portalynyń dereginshe, óńirler boıynsha kelgenderdiń basym bóligi Mańǵystaý oblysyna turaqtaǵan: 2,4 myń adam, bir jylda 53,9 paıyzǵa kóbeıgen.

Odan keıin Almaty (2,1 myń adam, 67,1% kóbeıgen) jáne Almaty oblysy (1,4 myń adam, 8,4 ese kóbeıgen) tur.

Kelgender eń az qonystanǵan óńir Qyzylorda oblysy: jyl basynan beri nebári 12 adam keldi, bir jyl buryn 7 adam ǵana bolǵan.

Qaraǵandy oblysynan kóp adam ketken: 2,5 myń — bir jyl burynǵydan 31,5 paıyzǵa az.

Odan keıingi orynda - Qostanaı (2,4 myń adam, 6% azaıǵan) jáne Pavlodar (2,3 myń adam, 14,8% azaıǵan) oblystary.

Eń az adam Qyzylorda oblysynan ketken: bar bolǵany 42, bir jyl burynǵydan 28,8 paıyz azaıǵan.

Bıyl elimizge 989 tehnıkalyq, 516-sy ekonomıkalyq, 351-i pedagogıkalyq, 219-y medıtsınalyq, 130-y zańgerlik, 106-sy sáýlet-qurylys, 70 aýyl sharýashylyǵy mamandary kelgen.

Elimizden ketkenderdiń ishinde 3,5 myń adam tehnıkalyq, 1,6 myńy ekonomıkalyq, 1 myńy pedagogıkalyq, 542-i medıtsınalyq, 378-i zańgerlik, 218-i sáýlet-qurylys óneri, 159-y aýyl sharýashylyǵy mamandyǵyn alǵan.

Bıyl Ózbekstannan kelgender sany basym: 4,8 myń adam — bir jyl burynǵydan birden 88,8 paıyz artyq.

Ekinshi jáne úshinshi orynda Reseı men Túrikmenstan tur. Úzdik bestikke Qyrǵyzstan men Qytaı da kiredi.

Qazaqstannan Reseıge ketkenderdiń qarasy qalyń: 16,6 myń adam — bir jyl burynǵydan 21,4 paıyz az.

Odan keıin Germanııa, AQSh, Polsha jáne Ózbekstan aldyńǵy orynda.